Qroznıdan olan 30 yaşlı Anzor Cukaev Taylandda yoxa çıxıb və qohumları onu axtarışa veriblər. Axtarışa çeçen diasporunun nümayəndələri də cəlb olunub.
Diaspora.TV xəbər verir ki, bu barədə Cukaevin vətəndaşı olduğu Rusiya və Norveç səfirlikləri də xəbərdar edilib.
Qohumlarının bildirdiyinə görə, Anzor Cukaevlə əlaqə iki ay yarım əvvəl kəsilib.
“Oğlum təxminən iki ay yarımdır Tailandda yoxa çıxıb. Tailandda yaşayan ruslar, diaspor nümayəndələri, orada məşq üçün gələn idmançılarımız, Rusiya və Norveç səfirliyi də onun axtarışlarına qoşulub. Yerli hakimiyyət orqanlarına, polisə xəbər verilib, lakin indiyə qədər hər şey nəticəsiz qalıb”, - deyə itkin düşən şəxsin atası Aslan Cukaev bildirib.
Mənsur adlı diaspor nümayəndəsi polisdən alınan məlumata əsasən bildirib ki, Anzor miqrasiya məlumat bazalarında martın 24-də Rusiya pasportu ilə Taylanda daxil olub.
Pasporta 90 gün qalmaq möhürü vurulub. Sonradan o, immiqrasiya xidmətinə müraciət etməyib. Onun ölkədən getməsi qeydə alınmayıb. Onun qalma müddəti keçib, haqqında bir dənə də olsun qeyd yoxdur.
Qohumlar və yerli çeçenlər Anzorun şəxsiyyətini nə sənədləri olmayan xəstəxanalardakı əcnəbilər, nə də morqlardakı naməlum meyitlər arasında tapa bilməyiblər.
İyunun 13-də Anzoru sonuncu dəfə yerli kafelərdən birində görüblər, orada onun telefonu və bir çanta əşyası tapılıb. Axtarış qruplarının üzvləri Anzorun səfərini xatırlayan kafenin meneceri ilə danışıb, lakin onun itkin düşməsinə aydınlıq gətirəcək heç bir təfərrüat verə bilməyib:
“Biz Taylandlı qadınla Tay dilində danışdıq, o, Anzoru xatırlayır, o, həqiqətən də onun kafesində olub, masanın üstündə telefon və əşyalarını qoyubmuş. Qadın onun haradan gəldiyini və hara getdiyini görmədiyini deyir”.
Aslan Cukaev bildirib ki, Anzor bütün yayı orada keçirməyi planlaşdıraraq martın sonunda Taylanda tətilə gedib.
“O, sonuncu dəfə iyunun 14-də əlaqə saxlayıb. O, ümumiyyətlə, Norveçdə yaşayırdı, azyaşlı qızı var”, - deyə atası bildirib.
Yeniyetmə ikən Anzor Cukaev 2011-ci il iyulun 22-də Anders Breyvik tərəfindən törədilən terror aktı günü Norveçin Utoya adasında olub. O, digər iki çeçen gənclə birlikdə terrorçuya müqavimət göstərib. Eyni zamanda, Anzor Breyviklə birlikdə tutulub, lakin daha sonra sərbəst buraxılıb və polis ondan üzr istəyib.
