“Təşkilatımız daha çox xeyriyyəçiliklə məşğuldur və bu işi Azərbaycan adına edirik”.
Bu sözləri Diaspora.TV-yə müsahibəsində Rusiya Federasiyası Smolensk vilayətinin Azərbaycan Gənclər Birliyinin rəhbəri Salman Mehdiyev deyib.
S.Mehdiyev qeyd edib ki, onlar daha çox uşaq evləri, məktəblər, gənclər birlikləri ilə işləyirlər:
“Yaşadığımız ölkənin mediası həmişə gördüyümüz işləri işıqlandırır və media ilə heç bir problemimiz yoxdur. Həm ictimai, həm də siyasi həyatda ən vacib şey çevik olmağı bacarmaqdır. Problemlərin olmasına baxmayaraq, insan bu və ya digər səbəbdən öz inandığını müdafiə etməyi bacarmalıdır”.
S.Mehdiyev vurğulayıb ki, elə bir diaspor təşkilatı yoxdur ki, ona həmişə dəstək olunsun və o daha da yaxşı fəaliyyət göstərsin:
“Əlbəttə ki, bu sahədə bütün məsələlər maliyyəyə bağlıdır”.
Həsən Hüseynov
Diaspora.TV
