"Hazırda hesablanmış səslərin sayına görə “Gürcü arzusu” böyük üstünlüklə qalib gəlir".
Diaspora.TV Gürcüstan mediasına istinadla xəbər verir ki, bu barədə Hakim "Gürcü Arzusu" partiyasının Marneuli-Qardabani seçki dairəsi üzrə namizədi Zaur Darğallı deyib.
Onun sözlərinə görə, nəticələrə görə, bu tarixi seçkilər Marneuli üçün də tarixi olub.
"Bu möhtəşəm qələbə münasibətilə hər kəsi təbrik edirəm. Bütün ölkədə olduğu kimi, Marneulidə də bütün rayonlarda böyük üstünlüklə seçkilərdə qalib gəldik. Hər bir seçiciyə təşəkkür etmək istəyirəm, bu gün tarixi seçim etdik və ləyaqətlə Avropanın bir hissəsi olacağıq. Hazırda bütün rayonlardan hansı nəticələr gəlirsə, biz hər yerdə böyük üstünlüklə qalib gəlirik. Əminəm ki, tarixi seçkilər həm də nəticələri ilə Marneuli üçün tarixi olacaq. Biz bu dəstəyi hər görüşdə hiss etdik və bugünkü nəticələrdə də öz əksini tapdı”, - deyə Darğallı qeyd edib.
