Dünya çempionu Entoni Coşua karyerası ilə bağlı xatirələrini bölüşüb.
Diaspora.TV xarici KİV-lərə istinadən xəbər verir ki, 2011-ci ildə boks üzrə Dünya çempionatının finalında o, Azərbaycan təmsilçisi Maqomedrəsul Məcidovun ona vurduğu ən ağrılı zərbəyə mərzu qalıb:
“2011-ci ildə Azərbaycan boksçusu Məcidova qarşı keçirilən Dünya çempionatının finalı çətin döyüşü həqiqətən xatırlayıram. O, finala gedən yolda hamını nokaut etdi, biz sözün əsl mənasında döyüşdük, o, çox güclü idi. Təcrübəsiz idim, axmaq səhvlər etdim və onun zərbələrindən birinə mərzu qaldım! Mən o zərbəni heç vaxt unutmayacağam, bu məni mənəvi və fiziki olaraq incitdi. Mən bir xalla uduzdum”.
