“Krokus”da terror aktını törədənlər “Vilayət Xorasan”ın üzvləridir. Təşkilatçılar Əfqanıstanda olarkən internet vasitəsilə Rusiyadakı tacik diasporunun üzvlərini işə cəlb ediblər.
Diaspora.TV Rusiya mediasına istinadla xəbər verir ki, bunu Astanada SORB-nin 55 - ci iclasında çıxışı zamanı Rusiya FTX-nin direktoru, MDB-yə üzv dövlətlərin Təhlükəsizlik Orqanları və Xüsusi Xidmətləri Rəhbərləri Şurasının sədri Aleksandr Bortnikov deyib.
Bortnikovun sözlərinə görə, radikal miqrantlar risk qrupudur, çünki onlar terror təşkilatları və ya xarici kəşfiyyat xidmətləri tərəfindən işə götürülmək üçün idealdır:
"Bildiyiniz kimi, bu cinayətlərdən biri də bu ilin yazında İŞİD-in və Qərbin nəzarətində olan Ukrayna xüsusi xidmət orqanlarının təşkilində iştirak etdiyi “Crocus City Hall”-a hücum olub".
FTX rəhbəri əlavə edib ki, "Xorasan Vilayəti" üzvlərinin törətdiyi terror aktlarında "İslam Dövləti" də var.
Bortnikov qeyd edib ki, radikallar Rusiyaya miqrasiya axınının bir hissəsi kimi gəlir və onları “risk qrupu” adlandırır. Bu cür insanlar “həm beynəlxalq terror təşkilatları, həm də xarici kəşfiyyat xidmətləri üçün cəlbedicilik üçün əlverişli mühitdir”.
