İki gün ərzində Nikolay Qoqolun “Evlənmə” komediyası əsasında Valeri Fokinin tamaşasını azərbaycanlı tamaşaçılara təqdim edən Sankt-Peterburq Aleksandrinski Teatrının qastrolu Bakıda böyük uğurla keçdi. Tamaşada Podkolesinin əsas rolunu intellektual aktyor kimi şöhrət qazanmış Vladimir Koşevoy oynayıb. Teatr və kinoda o, ən müxtəlif və gözlənilməz obrazları, o cümlədən tarixi obrazları – “Cinayət və cəza”da Rodion Raskolnikovu, Qriqori R.də Feliks Yusupovu, “Stalinin doğulması”nda İosif Cuqaşvili, “Zenit”də Nikolay Qumilyovu təcəssüm etdirib”. Bu gün Vladimir Koşevoy Rusiyanın bir neçə teatrında oynayır, filmlərdə rol alır, konsert proqramları ilə çıxış edir, audio kitablar səsləndirir.
Diaspora.TV xəbər verir ki, Azərbaycanın paytaxtında tamaşalardan sonra Vladimir Koşevoy Moskva-Bakı müxbiri ilə “İçərişəhər” Tarix-Memarlıq Qoruğunu gəzib, kino və teatrda sevimli rollarından danışıb.
"Yaxşı, gəzdik və mən İçəri Şəhəri gördüm. Biz ənənəvi Azərbaycan səhər yeməyi - pomidor-yumurta və müxtəlif növ qutabları daddıq, hər şey çox dadlı idi! Bütün bunlar xüsusi, qədim auranın hökm sürdüyü İçərişəhərin divarları arasında baş verdi. İndi mən Bakını inanılmaz dadlı ətirlərlə əlaqələndirirəm. Nar, heyva, Bakı pomidoru satan dükanların yanından keçirsən, o qədər ləzzətli iyi gəlir ki, dözə bilmirsən! Təəssüf ki, vaxtım az idi, Bakıda Rus Dram Teatrının tamaşalarına baxmaq maraqlı olardı. Mən yenidən buraya qayıdıb bakılılar üçün şeir proqramı ilə çıxış etmək istərdim", - deyə Vladimir Koşevoy bildirib.
