Rusiyanın 2-ci Qərb Dairə Hərbi Məhkəməsi Moskva Qarnizonu Hərbi Məhkəməsinin bu il iyunun 4-də çıxardığı hökmü ləğv edərək, FTX-nin “K” idarəsinin rəis müavini vəzifəsində çalışmış, istefada olan FTX polkovniki Dmitri Frolovun cinayət təqibini dayandırıb. Polkovnik 2013-cü ilin iyul ayında təqaüdə çıxdığı bildirilir.
Diaspora.TV Rusiya mediasına istinadla xəbər verir ki, o, vəzifəli şəxslərə külli miqdarda rüşvətin verilməsində vasitəçilik etməkdə, maliyyə maxinasiyalarına görə komissyon əldə etməkdə, qanunsuz qazancda ittiham olunur.
Onun valideynlərinin adına xaricdə villa da daxil olmaqla, bir neçə əmlakın olduğu müəyyən edilib. Lakin atası həmin əmlakı öz qazancı ilə aldığını əsaslandırır.
Məsələ ondadır ki, ömrünün çox hissəsini Bakıda keçirən ata məşhur “sexovşik” olub. Hələ SSRİ illərində o, Azərbaycanda tekstil məmulatlarının gizli və qanunsuz istehsalını təşkil edib. SSRİ-nin dağılmasından sonra o, rəsmi olaraq biznesə başlayıb. Gizli sexlərin yeganə sahibi Aleksey Frolov böyük bir tekstil fabrikinə çevrilib. Bundan əlavə, o, iki karxana alıb.
Ata toxuculuq fabrikini və karxanalarını sataraq illərlə görmədiyi oğlunun yanında olmaqdan ötrü Moskvaya köçüb. Oğlu isə 1987-ci ildə, orta məktəbi bitirdikdən dərhal sonra hərbi xidmətə gedib. O, Tiflisdə, Zaqafqaziya Hərbi Dairəsinin qərargahının mühafizə batalyonunda xidmət edib, 1989-cu ilin payızında ehtiyatda təqaüdə çıxıb. 1990-cı ildə isə Moskvaya getmiş, orada Azərbaycan Dövlət Təhlükəsziliyi Komitəsinin xətti ilə SSRİ DTK-nın Ali Məktəbinə daxil olub.
1992-ci ilin avqustunda SSRİ DTK-nın Ali Məktəbi Rusiya FSB Akademiyasına çevrilib. Azərbaycan SSR DTK-sı isə Azərbaycanın Milli Təhlükəsizlik Nazirliyinə çevrilib. Oradan FTX Akademiyasına rəsmi məktub gəlib ki, kursant Frolov təhsilini başa vurduqdan sonra respublikaya qayıtmaya bilər. Beləliklə, Frolov Moskvada qalıb və FTX-nin mərkəzi ofisinə təyin edilib.
2000-ci ildə Frolovun atası Moskvaya, oradan da İtaliyaya köçüb. Səbəb kimi qeyd edib ki, ömrüm boyu Azərbaycanda yaşadığım üçün Moskvanın iqliminə öyrəşməmişəm. Beləliklə, 2013-cü ildə İtaliyanın Komo gölü ərazisində yarımçıq ev alıb.
Ata Aleksey Frolovun İtaliyada tikintini bitirib evdə yaşamağa vaxtı qalmayıb. O, 2016-cı ildə vəfat edib. Vəsiyyətnamədə o, oğlu Dmitri Frolovu deyil, gəlini və nəvələrini varis kimi göstərib. O vaxta qədər Frolov artıq üç il idi təqaüdə çıxmışdı.
