Bu günlərdə Bakıda Rusiya Milli Dram Teatrının (Aleksandrinski Teatrı) qastrol səfəri böyük uğurla baş tutdu. Ən qədim rus dram teatrlarından birinin aktyorları Nikolay Vasilyeviç Qoqolun klassik əsəri əsasında hazırlanmış “Evlənmə” tamaşasını Azərbaycan paytaxtına gətiriblər.
Diaspora.TV xəbər verir ki, Rusiya Milli Dram Teatrının direktoru Aleksandr Maliç Moskva-Bakı portalının müxbiri ilə söhbətində qastrol səfərinin necə keçdiyi, Azərbaycan Milli Teatrı ilə əməkdaşlıq və s barədə danışıb .
- Aleksandrinski teatrının Bakıda ilk qastrol səfəri uzaq 80-ci illərdə olub. İndi də uzun fasilədən sonra yenidən Azərbaycan səhnəsinə rus aktyorları çıxıblar. Bu şəhərdə onları necə qarşıladılar?
Qəbul heyrətamiz idi! Tamaşaçılar aktyorlarımızın ifasını alqışladılar. Eşitmişdim ki, bakılılar özlərinin xüsusi qonaqpərvərliyi və mehribanlığı ilə seçilirlər, amma düşünməmişdim ki, bizi burada ən əziz qonaqlar kimi qarşılayacaqlar. Ümumiyyətlə, Bakıda insanlar xüsusidir. Ünsiyyətcil, emosional və gülərüz. Aktyorlarla birlikdə İçərişəhərdə gəzdik, yerli restoranda nahar etdik və Azərbaycan yeməklərini daddıq.
- Aleksandr Miroslavoviç, bu sizin Bakı ilə ilk tanışlığınızdır?
- Xeyr. Mən artıq on il əvvəl bu şəhərdə olmuşam. O vaxt mən televiziyada işləyirdim, səyahətlə bağlı veriliş çəkirdik. Və onlardan birinin Azərbaycanda çəkilməsi qərara alınıb. Biz Bakıya uçduq, bir neçə gün burada qaldıq, yerli görməli yerlərin fotolarını çəkdik, sonra Lənkərana getdik, yol boyu Qobustan, Salyan, Cəlilabadda dayandıq. Bu inanılmaz maraqlı idi! Gözəl təbiət, köhnə tarixi abidələr. Bakı on il ərzində çox dəyişib. Görünən odur ki, şəhər böyüyür, inkişaf edirBiz bura demək olar ki, Formula 1 yarışları bitdikdən dərhal sonra gəldik və şəhər hələ də idman yarışında yaşayır. Bakıda həyat öz axarı ilə gedir. Bakı tikilir və böyük bir meqapolisə çevrilir. Və mənim xoşuma gəlir ki, bütün bunlarla şəhər öz şərq görünüşünü itirmir.
