Sakit okeandakı Vanuatu dövlətinin bayrağı altında üzən, xarab olduğu üçün Rusiyanın Rostov vilayətinin Azov rayonunda sahilə yaxşınlaşmaq məcburiyyətində qalmış ticarət gəmisi yenidən suya salınıb.
Diaspora.TV xəbər verir ki, bu barədə Rusiya Fövqəladə Hallar Nazirliyinin region üzrə mətbuat xidməti xəbər verir. Bunun üçün iki yedək gəmisindən istifadə edilib.
Gəmi oktyabrın 2-də günorta saatlarında sahilə yaxınlaşıb. Fövqəladə Hallar Nazirliyindən verilən məlumata görə, fövqəladə hadisə nəticəsində xəsarət alan olmayıb, naviqasiya pozulmayıb, yanacağın dağılması baş verməyib. İndi yük gəmisi Azov limanındadır.
RF Fövqəladə Hallar Nazirliyinin verdiyi məlumata görə, xarab olmuş gəminin adı “Florika”dır. Polad daşıyırmış. Gəmidə Azərbaycandan olan 14 ekipaj üzvü olub. Gəmi Rostov-na-Donu tərk edərək Türkiyənin Samsun limanına doğru gedirmiş.
