Kanskda miqrasiya idarəsinin və yerli polis xidmətinin əməkdaşları yerli sakin tərəfindən yaşayış binası olmayan bir ünvanda beş əcnəbi vətəndaşın qondarma qeydiyyatı faktını müəyyən ediblər.
Diaspora.TV rus mediasına istinadla xəbər verir ki, Polis miqrasiya qeydiyyatı məlumatlarının düzgünlüyünün plansız yoxlanışı zamanı kabus kimi məskən aşkar edib.
44 yaşlı kişi və onun qeydiyyatda olduğu 5 azərbaycanlının yaşadığı ünvana baş çəkən hüquq-mühafizə orqanlarının əməkdaşları yalnız boş torpaq sahəsi görüblər. Polis əməkdaşları müəyyən ediblər ki, “yeni məskunlaşanlar” qanuni yolla ölkəyə işə düzəlmək məqsədi ilə gəliblər və əslində həmin kişilər öz bağçasında yaşayıb, tikinti və abadlıq işləri ilə məşğul olublar. Ev sahibinin özü başqa ünvanda idi.
Polis həm şübhəli, həm də miqrantların qeydiyyatdan çıxarılması proseduruna başlayıb. Hazırda cavabdeh tərəf və bütün Azərbaycan vətəndaşları bu məsələnin həlli üçün tədbirlər görüblər.
Rusiya Daxili İşlər Nazirliyinin “Kanski” istintaq idarəsi 1979-cu il təvəllüdlü yerli sakinə qarşı xarici vətəndaşların saxta qeydiyyatına görə Rusiya Federasiyası Cinayət Məcəlləsinin 322.3-cü maddəsi ilə cinayət işi açıb. Maddənin sanksiyası maksimum 3 ilədək müddətə azadlıqdan məhrum etmə cəzasını nəzərdə tutur.
