Diaspora.TV-də yayımlanan “Müzakirə vaxtı”nın növbəti buraxılışında “Türkiyədə çoxpartiyalı sistemin formalaşmasında iştirak etmiş azərbaycanəsilli siyasətçilər” mövzusu müzakirə olunub.
Diaspora.TV-nin rəhbəri Niyaz Niftiyevin qonağı “Səməndər Sosial Araşdırmalar və İnformasiya Mərkəzi” İctimai Birliyinin sədri Cəmaləddin Quliyev olub.
C.Quliyev sədri olduğu İctimai Birliyin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirdiyi layihədən danışıb. O, layihə çərçivəsində Ankarada apardığı araşdırmalar nəticəsində azərbaycanlıların Türkiyənin milli istiqlal mübarizəsinə əvəzolunmaz xidmətlər göstərdiklərinin üzə çıxdığını bildirib.
