Kamçatkada “Azəri” Azərbaycan diasporu miqrantların rus dilini biliyini yoxlayacaq. Bunun üçün yerli hakimiyyət orqanları təşkilata büdcə vəsaiti ayırıblar.
Diaspora.TV xəbər verir ki, bu barədə Rusiya mediası məlumat yayıb.
Regionda miqrantlar üçün qanunvericilik, tarix və mədəniyyət mövzusunda mühazirələr təşkil edilir. İddia olunur ki, xarici işçi qüvvəsindən istifadə edən işəgötürənlərin saytlarında da dərslər keçiriləcək.
“Təşkilatımız Kamçatka diyarından olan miqrantların inteqrasiyası və uyğunlaşması xərclərini ödəmək üçün subsidiya alıb. Biz əmək qanunvericiliyi, miqrasiya siyasəti, gündəlik davranış, rus dili, ölkəmizin mədəniyyəti və Kamçatka ərazisinin tarixi ilə bağlı biliklər üzrə təlimlər keçirəcəyik”, - deyə “Azəri” milli Azərbaycan ictimai təşkilatının rəhbəri Ramazan Hüseynov bildirib.
