Güney azərbaycanlı vəkil və hüquq müdafiəçisi Məhəmmədrza Fəqihinin məhkəmə iclası keçirilib.
Diaspora.TV xəbər verir ki, bu barədə o özünün sosial media hesabında paylaşım edib.
Tehranın İnqilab Məhkəməsinin 28-ci bölməsində keçirilən məhkəmə iclasında Fəqihi barəsində irəli sürülən ittihamlarla bağlı müdafiə çıxışı edib.
Azərbaycanlı vəkilə qarşı "ictimai asayişi pozmaq məqsədilə toplaşmaq və əlbir olmaq" ittihamı irəli sürülüb.
Fəqihi 2022-ci il oktyabrın 12-də Tehranda vəkillərin "etirazçıların hüquqlarının və İran Konstitusiyasının 27-ci maddəsinin pozulmasına” etiraz olaraq keçirdikləri aksiyada iştirak etdiyinə görə həbs edilmişdi.
O, bir neçə gün saxlanıldıqdan və dindirildikdən sonra oktyabrın 25-də sərbəst buraxılmışdı.
Qeyd edək ki, Məhəmmədrza Fəqihi bundan öncə bir sıra milli fəalın, o cümlədən Abbas Lisaninin də müdafiəçisi kimi çıxış edib./GünazTV
