ABŞ-nin Pensilvaniya Universitetinin tələbəsi və “Rainergy” layihəsinin təsisçisi Reyhan Camalova Səudiyyə Ərəbistanının Ər-Riyad şəhərində keçirilən nüfuzlu Misk Qlobal Forumunda iştirak edib.
Diaspora.TV xəbər verir ki, forumda “Gənclərdən, gənclər üçün” mövzusu adı altında iştirakçılar öz layihələrini təqdim ediblər.
Tədbirdə Bill Qeyts, Stiv Voznyak kimi tanınmış şəxslər çıxış edib. Süni intellekt, kosmos innovasiyaları, dayanıqlılıq və qlobal sağlamlıq sahələrində maarifləndirici müzakirələr aparılıb.
Qeyd edək ki, Reyhan Camalova Pensilvaniya Universitetində fəaliyyət göstərən Azərbaycanlı Tələbələr Klubunun İdarə Heyətinin üzvüdür. O, cari ilin avqust ayında Diasporla İş üzrə Dövlət Komitəsinin dəstəyi ilə keçirilən Amerika Azərbaycan Gənclər Forumunun iştirakçısı olub./ New Diaspora of Azerbaijan
