Almaniyada yaşayan azərbaycanlı tələbə itkin düşüb.
Diaspora.TV xəbər verir ki, bu barədə Lent.az-a həmin ölkədə yaşayan həmyerlilərimiz məlumat veriblər.
Məlumata görə, Tamerlan Təhməzov Berlin şəhərində doktorantura üzrə təhsil alır. Bildirilir ki, bir neçə gündür o, itkin düşüb və ailəsi ondan xəbər tuta bilmir.
Həmçinin, qeyd olunub ki, son günlər onda psixoloji problemlər yaranıbmış. O, hətta, yaşadığı yeri tapmaqda çətinlik çəkirmiş.
Qeyd edək ki, Tamerlan Təhməzovun tapılması üçün polisə müraciət edilib və hazırda tədbirlər görülür.
