Bu həftə Pulkovoya Azərbaycan, Özbəkistan və Tacikistandan gələn sərnişinlərdən 31 kq-dan çox meyvə və qoz-fındıq müsadirə edilib.
Diaspora.TV Rusiya mediasına istinadən xəbər verir ki, bu barədə “Rosselxoznadzor”un Şimal-Qərb Regionlararası İdarəsinin mətbuat xidməti bildirib.
Agentliyin məlumatına görə, əl yüklərində təzə nar, üzüm, xurma, ərik qurusu, quru noxud, quru meyvə və qoz-fındıq qarışıqları Rusiya ərazisinə daxil olmayıb. Karantinə qaydalarına əsasən, qadağan olunmuş bütün məhsullar məhv edilir.
Departament xatırladır ki, Azərbaycan, Tacikistan, Moldova, Ukrayna və qismən də Özbəkistandan gələn sərnişinlərin əl yükündə və baqajında karantin qaydaları ilə tənzimlənən məhsulların idxalına müvəqqəti məhdudiyyətlər tətbiq edilib.
