Almaniyada yaşayan azərbaycanlı rəssam Marqarita Kərimova-Sokolova “Arts-Sciences-Lettres” akademik cəmiyyəti tərəfindən gümüş medala layiq görülüb.
Bu barədə Diaspora.TV-yə Almaniyada yaşayan azərbaycanlı rəssamın özü deyib.
Qeyd edək ki, Arts-Sciences-Lettres (Art-Science-Writing) akademik cəmiyyəti mədəniyyət və təhsili təbliğ etmək məqsədi ilə 1915-ci il noyabrın 12-də yaradılıb. Cəmiyyətin yaradıcısı Fransa Ədəbiyyat Adamları Cəmiyyətinin üzvü Rene Flamin olub. Cəmiyyət istedadı və əməyi ilə elmin və incəsənətin inkişafına töhfə verən insanları dünyaya tanıdır. Qurumun dünyanın 22 ölkəsində beynəlxalq mədəni mübadilələri asanlaşdırmağa kömək edən nümayəndələri var.
