Azərbaycanəsilli rusiyalı müğənni Elman Zeynalovun Rusiyanın məşhur “Hello” dərgisində müsahibəsi yayımlanıb.
Diaspora.TV xəbər verir ki, həyat yoldaşı və uşaqları ilə birgə jurnal üçün fotosessiya etdirən müğənni müsahibəsində ailəsi, uşaqları, gələcək arzu və planları haqqında danışıb.
Qeyd edək ki, Elman Zeynalov Sumqayıtda anadan olub, daha sonra ailəsi ilə bərabər Rostov-na-Donu şəhərinə köçüb. Rusiyanın “Muz-TV” musiqi telekanalında yayımlanan “Novaya Fabrika zvyozd” layihəsi gənci bütün Rusiyaya tanıdıb.
İfaçı 2019-cu ildən Koreyaəsilli model Marqarita Tsoyla evlidir. Cütlüyün Mariel adlı 3 yaşlı qızı və İordan adlı 3 aylıq oğlu var./“Qafqazinfo”
