“Rusiyanın Soçi şəhərində Ümumrusiya birinciliyi üzrə keçirilən yarışda Məmmədzadə Mübariz Asif oğlu MMA döyüş növü üzrə 120 kq çəki dərəcəsində I yerə layiq görülüb”.
Bu barədə məlumatı Diaspora.TV-yə "Cəlil Nəcəbov adına Azərbaycan Mədəniyyət Mərkəzi" Krım regional ictimai təşkilatının sədri Arifə Muxtarova verib.
“Yarış 23-24 noyabrda Rusiyanın Soçi şəhərində Ümumrusiya birinciliyi üzrə keçirilib. Mübariz Məmmədzadə Krımın paytaxtı Simferopol şəhərində fəaliyyət göstərən "Tornado" İdman Klubunu təmsil edib. Bu yolda həmvətənlimizə uğurlar diləyir, daha da uca zirvələri fəth etməsini arzulayırıq”, - deyə o bildirib.
