"Xaricdə fəaliyyət göstərən azərbaycanlı iş adamları yaşadıqları ölkənin qanunlarına görə müdafiə olunmalıdırlar".
Bu sözləri Diaspora.TV-yə açıqlamasında deputat Elşad Musayev xaricdə fəaliyyət göstərən azərbaycanlı iş adamlarını narahat edən cinayətkarlara qarşı mübarizənin hüquqi əsaslarından danışarkən deyib.
Deputat xaricdə yaşayan azərbaycanlı soydaşlarımızın həmin ölkənin hüquq-mühafizə orqanlarına müraciət etməyi məsləhət görüb.
Xatırladaq ki, oktyabrın 20-də Marneuli bələdiyyəsinin Baydar kəndində iş adamı Vidadi Ömərovun evinə silahlı basqın olub. Naməlum şəxslər onun evinə əl qumbarası atıblar. Hadisə zamanı evdə ailə üzvləri, o cümlədən azyaşlı uşaqlar olub. Bir neçə həftə əvvəl naməlum şəxslər ona zəng edərək pul tələb ediblər. O, isə tələb olunan pulu verməkdən imtina edib.
Jalə
Diaspora.TV
