Azərbaycanlı həkim-alim Elçin Ağayevin yeni ixtirası beynəlxalq səviyyədə qəbul edilib. Azərbaycan Dövlət Tibb Universitetinin ümumi cərrahiyyə kafedrasının müdiri, tibb elmləri doktoru, professor Elçin Ağayevin yeni cərrahiyyə ixtirası Avrasiya Patent Təşkilatı tərəfindən təsdiq edilib.
Diaspora.TV xəbər verir ki, bu barədə alimin dostu Arif Əliyev "Facebook" profilində paylaşım edib.
Qeyd edək ki, bu, professorun beynəlxalq səviyyəli patent almış üçüncü ixtirasıdır.
Elçin Ağayev, həmçinin İkinci Qarabağ Müharibəsində cəbhə zonasında yaralı hərbçilərə tibbi yardım göstərən cərrahlardandır.
Azərbaycan Respublikasının Prezidenti İlham Əliyev onu “Tərəqqi” medalı ilə təltif edib.
