İngiltərədə yaşayan azərbaycanlı həkim - cərrah İlhamə Cəfərli Amerika Cərrahlar Kollecinin Təhsil Komitəsinə üzv seçilib.
Diaspora.TV xəbər verir ki, üç beynəlxalq dərəcəsi və güclü akademik biliyi olan İlhamə Cəfərli öz sahəsində bacarığı və yüksək insani keyfiyyətləri ilə böyük nüfuz qazanıb.
Doktor İlhamə Cəfərli öz bacarıqlarını və biliyini daha da artırmaq üçün liderlik və idarəetmə ixtisası üzrə də təhsil tamamlayıb və bu qərar onun karyerasında mühüm rol oynayır. Onun liderlik keyfiyyətləri və strateji idarəetmə sahəsində təcrübəsi Kraliça II Elizabetin Kral nizamnaməsi ilə təsis edilmiş Yüksək Təhsil İnstitutunun sədri Fəxri Lord Lingfield Kt DL tərəfindən yüksək qiymətləndirilib.
İlhamə Cəfərlinin davamlı öyrənməyə və peşəkar inkişafa sadiqliyi ona tibb sahəsində lider kimi reputasiyasını möhkəmləndirərək ona yüksək Səviyyəli Sertifikatı qazandırıb.
