Cəlilabad rayonundan olan Cəmil Məmmədov Moskvada keçirilən XV Beynəlxalq “Ağ qamış” xeyriyyə festivalında uğurla çıxış edib. Festivalın qala-konsertində 12 yaşlı Cəmil rusiyalı müğənni Yelena Maksimova ilə birlikdə “Happiness is inside” mahnısını ifa edib.
Diaspora.TV xəbər verir ki, bu barədə AzeSputnik-ə gənc ifaçının müəllimi məlumat verib.
Rusiyanın xalq artisti Diana Qurtskaya azərbaycanlı oğlanın istedadına heyran qalıb. Ona müxtəlif hədiyyələr təqdim edib.
Qeyd edək ki, festivalda 11 ölkədən - Azərbaycan, Belarus, Gürcüstan, Qazaxıstan, Qırğızıstan, Moldova, Rusiya, Tacikistan, Türkmənistan, Ermənistan və Özbəkistandan görmə məhdudiyyətli gənc ifaçılar iştirak ediblər.
