“Xarici ölkələrdə fəaliyyət göstərən Azərbaycan məktəblərinin sayının artırılması dövlət səviyyəsində həllini tapa biləcək məsələdir”.
Bu sözləri Diaspora.TV-yə təhsil eksperti Şahin Rəcəb deyib. Onun sözlərinə görə, xarici ölkədə Azərbaycan məktəblərinin açılması həm bizim, həm də həmin ölkənin qanunvericiliyi çərçivəsində reallaşa bilər:
“Bununla təhsil sahəsində dövlətlərarası qarşılıqlı anlaşma vasitəsilə nəticə əldə etmək olar. Bu xarici siyasət məsələlərinə aid olduğu üçün bununla baglı XİN, Diasporla İş üzrə Dövlət Komitəsi, Elm və Təhsil Nazirliyi səviyyəsində təşəbbüslər qaldırıla bilər”.
Ş.Rəcəb əlavə edib ki, ictimaiyyət əlbəttə ki, bu problemin həllinin tərəfdarıdır:
“Buna dəstək verməyə hazırdır. Milli təhsilimizin coğrafiyası nə qədər genişlənsə o qədər yaxşıdır”.
Jalə
Diaspora.TV
