“Həyatımın heç bir mərhələsində Pensilvaniyadan keçməmişəm. Mən o dəstəni tanımıram, üstəlik, Polis Akademiyasında bir rəhbər Aytac var idi (o, indi qaçaqdır) və o, qəzetdəki köşə yazısında hər ay məni linç edirdi”.
Diaspora.TV xəbər verir ki, bu açıqlama ilə azərbaycanlı professor, Türkiyə Prezidenti yanında Təhlükəsizlik və Xarici Siyasət Şurasının üzvü Aygün Attar sosial media hesabında çıxış edib.
A.Attar bildirib ki, o “mollanın kitabını oxudum, səhərə kimi ağladım” deyib, sonra bu sözü unudub ekranlarda söyənlərdən deyil:
“Bir vaxtlar Azərbaycanda yaşadığından xəbərdar olduğum Əli Çankaya adlı FETÖ imamı, həyat yoldaşının şikayət ərizələri sayəsində “məşhur” olmadım. Məni cəmiyyətə təsir etmək üçün yaradılan, yüz minlərlə avroluq qurumlara rəhbər təyin etmədilər. Tək ayaq üstə yüz yalan danışmamışam. Mənim ailəmdə kimsəsiz qalan balaca qızların xaricə pul müqabilində satılması ilə bağlı danışıqlar apararkən insan alveri əleyhinə qruplar tərəfindən tutulmayıb. Tanınmış şəxslərin adını çəkib insanlardan pul yığmamışam”.
Azərbaycanlı professor qeyd edib ki, bir vaxtlar tostların ucaldılmasının şahidi olan insanları yox sayaraq özünü millətə dindar kimi göstərməyib:
“Çətin vaxtlarda yanında olduğum adamların “pis əməllərimdən” xəbəri olduğu üçün belindən bıçaq vurmadım, gülüb arxadan quyu qazmadım. Paxıllıqdan partladığım üçün gecə-gündüz camaatın quyusunu qazmadım. Türkiyədə “hər şeyin soruşulduğu xüsusi status məsləhətçisi” olduğum yalanı ilə camaatı aldatmadım. Sıfır ingilis dili ilə İngiltərənin ən mühim mətbuat təşkilatında təcrübə keçdiyimi zərrə qədər utanmadan dilə gətirmədim. Mən yaltaqlığı həyat tərzi kimi qəbul etməmişəm. Cahilliyim və biliyim olmadığı üçün “Ekşi Sözlük”də dalğa rekoru qırmadım. Mən öz maraqlarımı hər şeydən üstün tutmamışam, pul hərisi olmamışam. İnsanların üzünə gülərək quyu qazmadım, səsini yazıb tələ qurmadım. Mən cinayətkarlarla işləməmişəm”.
A.Attar əlavə edib ki, Azərbaycandan, Türkiyədən asılı olmayaraq, rastlaşdığı hər yüksək vəzifəli məmura başqalarından şikayət etməyib:
“Mən öz bədbəxtliyimin qisasını millətdən almadım. Siyahı çox uzundur. Sizi yormadan bunu deyim ki, bütün bunları edən şəxs son vaxtlar mənim fəaliyyətimdən narahatdır! Nəslimə, soyadıma görə, uzun müddət susdum, amma bəsdir! Yuxarıda yazdıqlarımı müttəhimlərlə, şahidlərlə, sənədlərlə bir-bir sübut etməyə hazıram. Onlarla plastik əməliyyatlara baxmayaraq, əldə düzəlmə “saxta qadın”a meydan oxuyuram. Onun kim olması ilə maraqlananlar üçün qeyd edim ki, təkcə ayaqqabı ölçüsünü yazmamışam, çoxunuz onun kim olduğunu artıq bilirsiniz”.
