Məişət zorakılığından qaçan 32 yaşlı Səlimə Bosniyada saxlanılıb.
Diaspora.TV xarici mediaya istinadla xəbər verir ki, çeçen diasporunun dediyinə görə, o, ərinin qohumlarının təkidi ilə Rusiyada axtarışa verilib.
3 uşağı ilə Türkiyədən Bosniyaya təyyarə ilə gələn Səlimə sentyabrın 29-da Sarayevoda saxlanılıb.
Onun iki ildir ki, İnterpol xətti ilə axtarışda olduğu, məişət zorakılığı səbəbindən Türkiyəyə qaçdığı bildirilib. Aydındır ki, onun ərinin tərəfində olan qohumlar Səliməni qınayıblar. Onların xahişi ilə çeçen diasporu nümayəndələrinin, o cümlədən “Sülh və İnsan hüquqları” beynəlxalq assosiasiyasının prezidenti Səid-Emin İbrahimovun və "Qadınlar bütün dünyada sülh naminə” təşkilatının nümayəndəsi Fatimə Qaziyevanın imzaladığı bəyanatla araşdırma başlanıb.
“Səlimə bir neçə il Türkiyədə yaşayıb və mövcud məlumatlara görə, onun həbsi üçün heç bir əsas olmayıb” -, müxalif çeçen bloger Xasan Xalitov Telegram kanalında yazıb.
Hazırda Rusiya Cinayət Məcəlləsinin 208-ci maddəsinin 2-ci bəndində nəzərdə tutulan cinayətdə ittiham olunan Səlimə İnterpolun ekstradisiya qərarına görə müvəqqəti saxlanılır. Oktyabrın 23-də change.org saytında dərc olunan petisiyanın müəllifləri deyirlər ki, Səlimə məişət zorakılığının qurbanı olub və uşaqlarını zorakı ərindən xilas edib. Oktyabrın 28-i saat 09:50-yə olan məlumata görə, petisiyaya 276 imza daxil olub.
Qeyd edək ki, ailədaxili zorakılıqdan qaçan qadınların qohumlarının ittihamı onların ailələrinə qaytarılması üçün vasitəyə çevrilib. Məsələn, sentyabrın 20-də məlum olub ki, 15 yaşında ikən ailə qurmağa məcbir edilən çeçen xanım ərinin zorakılığı nəticəsində Rusiyanı tərk etməyə məcbur olub. Qadın evdən qaçdıqdan sonra əri və atası təhlükəsizlik qüvvələrinə onun axtarışı üçün müraviət ediblər
2023-cü ilin dekabrında "Qafqaz. Dünya. İnkişaf" Müasir və Regional Problemlərin Qlobal Problemlərinin Öyrənilməsi Mərkəzinin prezidenti Səidə Sirazhudinova " “Şimali Qafqazda məişət zorakılığı: regionda vəziyyətin monitorinqinin nəticələri və məhkəmə təcrübəsinin təhlili haqqında hesabat” dərc edib. Hesabata görə, Çeçenistanda qadınların öldürülməsinin əsas səbəbi “namus cinayətləri”dir. İnquşetiyada qadınlar üçün təhlükə daha çox ailənin özündən gəlir. Dağıstanda isə qadınların yad şəxslər tərəfindən qətlə yetirilməsi daha çox baş verir. Qohumları tərəfindən davranışı rüsvayçılıq kimi qiymətləndirilən qadınlar Qafqazda “namus cinayətlərinin” qurbanına çevrilirlər. “Şimali Qafqazda namus cinayətləri” adlı hesabatda deyilir ki, bu qətlləri qohumların özləri, daha çox ata və ya qardaşlar törədirlər.
Hesabatda, həmçinin Çeçenistandan olan qaçqınların Avropa ölkələrində ekstradisiya təhlükəsi ilə üzləşdikləri yazılıb. Çeçenistan əsilli İmran Albakov 2019-cu ildən Belçikadakı deportasiya həbsxanasındadır. Onun səhhəti xeyli pisləşib, demək olar ki, görmə qabiliyyətini itirib, lakin tam tibbi yardım almır. Bu barədə hüquq müdafiəçiləri 2024-cü ilin yanvarında bildiriblər. Mart ayında onun deportasiya həbsxanasından çıxdığı məlum olub.
2020-ci ildə İmran Albakovun Rusiyaya deportasiyası məsələsi gündəmə gəlib, lakin hüquq müdafiəçiləri və çeçen diasporunun nümayəndələri bir neçə aksiya keçirib, həmçinin Avropa İnsan Hüquqları Məhkəməsinə müraciət ediblər. 2024-cü ilin yanvarında Lion apellyasiya məhkəməsi İmran Albakovun Rusiyaya ekstradisiyasına dair qərarı ləğv edib.
2024-cü ildə hüquq müdafiəçiləri Şimali Qafqazdan olan qaçqın və sığınacaq axtaran şəxslərin işgəncə və digər pis rəftar riski ilə üzləşdikləri Rusiyaya köçürülməsinə dərhal son qoymağa çağırıblar.
