Xəbər verdiyimiz kimi, bir neçə gün əvvəl Amerikada azərbaycanlılar arasında baş verən insident nəticəsində tərəflərdən biri digər iki şəxsi bıçaqlayıb. Yaralananlardan biri elə yerindəcə dünyasını dəyişib, digəri isə xəstəxanalıq olub. Vəfat edən Ənvər Quliyev adlı soydaşımızın cənazəsi Amerikada morqa yerləşdirilib və Bakıya gətirilməsində çətinliklər yaranıb.
Diaspora.TV xəbər verir ki, Təhminə Əhmədova adlı soydaşımız və Quliyevlər ailəsi Ənvər Quliyevin cənazəsinin vətənə gətirilməsi üçün müraciət yayıb.
Müraciətdə deyilir:
“Ənvər Quliyevin faciəli vəfatını dərin təəssüf hissi ilə bildiririk. Ənvər özü və ailəsi üçün daha yaxşı həyat axtarışında 2022-ci ildə Azərbaycandan ABŞ-a köçüb. Təəssüf ki, 2024-cü il iyulun 17-də o, Vaşinqtonun Viskonsin prospektindəki Safeway dayanacağında başqa bir azərbaycanlı tərəfindən bıçaqlanıb. Virciniya ştatının İsgəndəriyyə şəhərində yaşayan Ənvər Azərbaycanda kədərli bir ailə və üç azyaşlı uşaq qoyub. Əsas məqsədimiz Ənvərin cənazəsini vətənə göndərmək üçün vəsait toplamaqdır ki, ailəsi onu ləyaqətlə yola salsın. Bu son dərəcə çətin dövrdə Ənvərin cənazəsinin Azərbaycana qaytarılması və ailəsinin saxlanması xərclərini ödəmək üçün bizə köməklik göstərməyinizi xahiş edirik. Hər hansı bir töhfə, nə qədər kiçik olsa da, əhəmiyyətli təsir göstərəcək. Bu ağrılı zamanda xeyirxahlığınıza, səxavətinizə və dəstəyinizə görə təşəkkür edirəm”.
Həsən Hüseynov
Diaspora.TV
