Müğənni Alsu keçmiş əri, bakılı iş adamı Yan Abramovu Londonda bir neçə il əvvəl satdığı penthaus üçün pul tələb etmək niyyətindədir.
Diaspora.TV xəbər verir ki, bu barədə SHOT Telegram kanalı məlumat yayıb.
Qeyd olunur ki, satış zamanı əmlak səkkiz milyon funt sterlinq dəyərində qiymətləndirilib. İndi onun qiyməti 15 milyon (iki milyard rubl) təşkil edir.
Abramovun vəkili Aleksandr Dobrovinskinin SHOT-a bildirib ki, Londondakı mənzillər 8 və ya 9 il əvvəl, yəni evlilik dövründə satılıb.
Dobrovinsky əlavə etdi ki, bəziləri, evlilik zamanı satılan mənzildən pul almaq üçün müəyyən bir sxemdən istifadə edirlər:
"Məsələn, əgər əmlak iddia edilən ucuz qiymətə təqdim edilibsə, xüsusən də iddia rus iş adamları üçün xoşagəlməz bir ölkədə verilirsə, təcrübəli hüquqşünaslar pulun heç vaxt ünvana çatmadığını sübut etməyə çalışırlar".
Dobrovinskinin sözlərinə görə, Alsunun nümayəndələri iddia hazırlayırlarsa, sənədi təqdim etmək üçün Böyük Britaniyada Yan Abramovu “tutmalıdırlar”. Vəkil iddia edir ki, yalnız bundan sonra, işə London məhkəməsində baxılmağa başlayacaq.
