Almaniyanın Köln şəhərində yaşamış və uzun illər ölkə xaricində diaspor fəaliyyəti ilə məşğul olmuş Halis Tezel 79 yaşında vəfat edib.
Diaspora.TV xəbər verir ki, bu barədə məlumatı Diasporla İş üzrə Dövlət Komitəsi yayıb.
Qeyd edək ki, Halis Tezel Almaniyada ilk Azərbaycan Evinin təsisçisidir. O, 1990-cı ildə Azərbaycan xalqının tarixinə Qanlı Yanvar faciəsi kimi daxil olmuş 20 Yanvar hadisələrinə etiraz əlaməti olaraq Köln katedralının qarşısında keçirilmiş izdihamlı mitinqin təşkilatçısı olub. Mərhum Halis Tezel yeni fəaliyyətə başlayan diaspor təşkilatları və mədəniyyət mərkəzlərinə göstərdiyi daimi dəstəyi ilə yaddaşlarda qalıb.
Almaniyanın Köln şəhərində vəfat edən diaspor nümayəndəsi Türkiyənin İzmir şəhərində torpağa tapşırılıb.
