Əgər immiqrasiya ilə bağlı şübhəli e-poçt məktubu alsanız, bu barədə ABŞ Daxili Təhlükəsizlik Departamentinin Vətəndaşlıq və İmmiqrasiya Xidmətinə (USCIS) məlumat verməyiniz tövsiyə olunur.
Diaspora.TV ABŞ mediasına istinadən xəbər verir ki, bu müraciət sözügedən xidmət tərəfindən yayılıb.
Müraciətdə deyilir ki, şübhəli hesab edilən məktub xidmət tərəfindən araşdırılır və bunun immiqrasiya saxtakarlığı olub-olmadığı barədə xəbər verilir.
Xidmət xəbərdarlıq edir ki, fırıldaqçılar immiqrasiya prosesini çətinləşdirərək sizi çaşdıra, sosial şəbəkələrdən, e-poçtlardan və ya telefon zənglərindən faydalanaraq şəxsi məlumatlarınızı ələ keçirə bilərlər.
Bəs hansı əlamətlər immiqrasiya saxtakarlığından xəbər verir?
- Qanuni görünən, lakin naməlum şəxslərdən göndərilən e-poçtlar.
- Orfoqrafik səhvləri olan cümlələr.
- Göndərən ünvanı “.gov” domeni ilə bitməyən e-poçtlar (məsələn, .net, .org, .com, .info ilə bitən).
- Heç görmədiyiniz şübhəli e-poçtlar.
- İşinizə baxılmasını sürətləndirmək üçün ödənişli təkliflər.
- Qısa müddətdə güzəştə əldə olunmasına dəstək vədləri.
- Tez fayda vədləri.
- Naməlum göndəricilərdən yollanan qoşmaların endirilməsi və ya açılması.
- USCIS adından fiziki şəxslərə pul köçürmək və ya myUSCIS hesabınızdan kənar rüsumları ödəmək üçün təkliflər.
Bəs immiqrasiya saxtakarlığı barədə necə xəbər vermək lazımdır?
Xidmət ilk növbədə nəzərə çatdırır ki, başqa bir şəxs tərəfindən törədilən saxtakarlıq haqqında məlumat vermək, prosesdə iştirak etməyən şəxsin immiqrasiya işinə və ya müraciətinə təsir etməyəcək.
Şübhələnən şəxs “877” “qaynar xətti”nə zəng edərək fırıldaqçılıq barədə Federal Ticarət Komissiyasına məlumat bildirə, onlayn şikayət verə və ya yerli və ya əyalət orqanlarına xəbər çatdıra bilər.
İmmiqrasiya saxtakarlığı ilə mübarizə üçün əlavə resurslar:
- Amerika Vəkillər Kollegiyası - notarius fırıldaqçılığı ilə mübarizə aparır (Notario Fraud).
- PINY 2016 Mühacirlərin Müdafiəsi İşçi Qrupunun Bələdçisi.
