Türkiyədən Avropa Birliyi, ABŞ və Kanadaya köçənlərin sayı 1 milyon nəfəri keçib.
Diaspora.TV xəbər verir ki, bu barədə "Sözcü" qəzeti məlumat yayıb.
Qəzet yazır ki, Türkiyədə yüksək bahalaşmanın olduğu 2022 və 2023-cü illərdə Almaniyaya köçən və sığınacaq istəyən türklərin sayı xeyli artıb.
Son 5 ildə 132 min türk qeyri-qanuni yollarla Almaniyaya gedərək sığınacaq istəyib.
Son 2 ildə Almaniyaya viza ilə gedən və işə düzələn türklərin sayı da 130 mini keçib.
