2024-cü ilin ilk altı ayında Tacikistandan olan 17 mindən çox əmək miqrantı Rusiyadan qovulub ki, bu da 2023-cü illə müqayisədə çoxdur.
Diaspora.TV rus mediasına istinadla xəbər verir ki, bu barədə Tacikistanın əmək, miqrasiya və əhalinin məşğulluq naziri Gülnora Xasanzoda məlumat verib.
G.Xasanzoda əlavə edib ki, 2023-cü ildə 11 minə yaxın tacik Rusiyadan qovulub:
"Tacikistan vətəndaşları çox vaxt Rusiyadakı rejimə əməl etmirlər və hazırda Rusiya Federasiyasında buna çox diqqət yetirilir. Həmçinin deportasiya müddəti hələ başa çatmayan bəzi vətəndaşların ölkəyə girişinə icazə verilmir".
2024-cü ilin birinci yarısında respublikadan kənara əmək miqrasiyası üçün gedən Tacikistan vətəndaşlarının sayı ötən ilin müvafiq dövrü ilə müqayisədə 16% azalıb:
"Onların sayı 393 min nəfəri keçmir. Miqrantların 90%-dən çoxu Rusiyaya üz tutub".
