Taymir nəqliyyat polisinin keçirdiyi reyd zamanı 13 qeyri-qanuni miqrant aşkar edilib.
Diaspora.TV rus mediasına istinadla xəbər verir ki, miqrasiya qanunvericiliyinin pozulması hallarını müəyyən etmək üçün aparılan yoxlamalar zamanı nəqliyyat polisi Taymir yarımadasında Yenisey çayı ilə Dudinki şəhərinə getməyə çalışan on əcnəbi vətəndaşı aşkar edib.
Həmçinin, LO Daxili İşlər Nazirliyinin Taymir Dolqano-Nenets bölgəsi üzrə əməkdaşları Norilsk hava limanında üç xarici vətəndaşı saxlayıblar.
Saxlanılan şəxslər Rusiyaya giriş və qalma qaydalarını pozmaqda ittiham olunurlar. Bu barədə Daxili İşlər Nazirliyinin Taymir xətti idarəsinin mətbuat xidməti məlumat yayıb.
Miqrasiya qanunvericiliyini pozmuş şəxslər inzibati məsuliyyətə cəlb edilərək Rusiya Federasiyasından deportasiya ediliblər.
